អបអរសាទរ ពិធីសម្ពោធដាក់ឲ្យប្រើប្រាស់ជាផ្លូវការតារាងបាល់ទាត់និងបញ្ចុះបឋមសិលា សាងសង់អគារទីចាត់ការ អនុវិទ្យាល័យ ព្រៃបិទមាស ស្ថិតក្នុងឃុំក្រសាំង ស្រុក រមាសហែក ខេត្តស្វាយរៀង

0
54


ដោយ:ថត ភារៈ
ស្វាយរៀង ៖ នាព្រឹកថ្ហៃទី១ ខែមិថុនានេះ ឯកឧត្តម សៅ សុខា អនុប្រធានក្រុមការងាររាជរដ្ឋាភិបាលចុះខេត្តស្វាយរៀងនិងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែកបានអញ្ជើញជាអធិបតីក្នុង ពិធីសម្ពោធដាក់ឲ្យប្រើប្រាស់ជាផ្លូវការ តារាងបាល់ទាត់និងបញ្ចុះបឋមសិលា សាងសង់អគារទីចាត់ការអនុវិទ្យាល័យព្រៃ បិទមាស ស្ថិតក្នុងឃុំក្រសាំង ស្រុករមាសហែក នាព្រឹកថ្ងៃទី១ខែមិថុនាឆ្នាំ២០២៣។

ក្នុងឪកាសនោះលោកខៀវសំអុល ប្រធានមន្ទីរអប់រំយុវជននិងកីឡាខេត្តស្វាយរៀងបានថ្លែងថា
សមិទ្ធផលដែលសម្ភោធ តារាងបាល់ទាត់ នាពេលនេះគឺជាសមិទ្ធផលមួយក្នុងចំណោមសមិទ្ធផលនានា ដែល ឯកឧត្តម សៅ សុខា អនុប្រធានក្រុមការងារ រាជរដ្ឋាភិបាលចុះជួយខេត្តស្វាយរៀង
និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក និងឯកឧត្តម លោកជំទាវ អស់លោកលោកស្រីជាក្រុមការងារទាំងអស់ដែលបានបង្កបង្កើតឡើងយ៉ាងស្រស់ ត្រដែតនៅក្នុងទឹកដីស្រុករមាសហែក ។

លោកបន្តថា ថ្ងៃនេះជាថ្ងៃមួយដ៏មានអត្តន័យជ្រាលជ្រៅបំផុតដោយបានឯកឧត្តម សៅ សុខា បាន អញ្ជើញមកក្នុងការសម្ភោធដាក់ឲ្យប្រើប្រាស់ជាផ្លូវការនូវ តារាងបាល់ទាត់ដែលមានប្រវែងបណ្តោយ ៤២ ម៉ែត្រ ទទឹងប្រវែង ២២ ម៉ែត ដែលបានចាប់ដំណើរកសាងចាប់ពីថ្ងៃ២៧ ខែមេសា ឆ្នាំ២០២៣ បានបញ្ចប់រួចរាល់ ថ្ងៃទី២៩ ខែឧសភា ឆ្នាំ២០២៣ ដោយបានរៀបចំប្រព័ន្ធលូទឹក ចាក់ក្រាលថ្ម អងដឺ ថ្មមិច ក្រាលស្មៅសិប្បនិម្មិត ដាក់បង្គោលដែក ព័ទ្ធសំណាញ់ជុំវិញចំណាយអស់ ថវិកាចំនួន ២ម៉ឺន៥ពាន់៤៥.៩១ ដុល្លា សហរដ្ឋអាមេរិក ជាអំណោយរបស់ សហព័ន្ធ កីឡាបាល់ទាត់ អាស៊ាន និងបញ្ចុះបឋមសិលាសាងសង់អគារទីចាត់ការ ១ខ្នងមាន ទំហំបណ្តោយប្រវែង១៥ម៉ែត្រ ទទឹងប្រវែង ៨ម៉ែត្រ រួមមានបន្ទប់ការិយាល័យចំនួន ២បន្ទប់ សាលប្រជុំ១បន្ទប់ បំពាក់ដោយគ្រឿងបរិក្ខារ អគ្គិសនី ម៉ាស៊ីនត្រជាក់ កង្ហារ អំពូលបំភ្លឺ និងប្រព័ន្ធពន្លឺព្រះអាទិត្យកម្លាំង៥គីឡូវ៉ាត់(5 KVA) ដោយចំណាយរយៈ ពេលសាងសង់១៣៥ថ្ងៃ (៤ខែនិង១៥ថ្ងៃ )ចាប់ផ្តើមពីថ្ងៃទី០១ ខែមិថុនាឆ្នាំ២០២៣ បញ្ចប់ត្រឹមថ្ងៃទី១៥ ខែតុលា ឆ្នាំ២០២៣ ដោយចំណាយអស់ថវិកាសរុប ចំនួន ៥ម៉ឺន៥ពាន់ ១៦០ ដុល្លារសហរដ្ឋអាមេរិក ជាអំណោយរបស់សហព័ន្ធកីឡាបាល់ទាត់អាស៊ាន។

នាក្នុងឪកាសនោះ ឯកឧត្តម សៅ សុខា អនុប្រធានក្រុមការងាររាជរដ្ឋាភិបាលចុះខេត្តស្វាយរៀងនិងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក បានផ្ដាំផ្ញើសាកសួរសុខទុក្ខពីសំណាក់សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃកម្ពុជានិងជាប្រធានគណបក្សប្រជាជនកម្ពុជាក៏ដូចជា សម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជននិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង។

ឯកឧត្តម សៅ សុខា ក៏បានបន្ថែមថាសូមអគុណសន្តិភាព មានសន្តិភាពទើបមានការអភិវឌ្ឍន៍ ក្រោមការដឹកនាំរបស់រាជរដ្ឋាភិបាល បានធ្វើអោយប្រទេសជាតិមានការរីកចម្រើនលើគ្រប់វិស័យ
ដោយ មូលដ្ឋានគ្រឹះ នៃការអភិវឌ្ឍន៍របស់រាជរដ្ឋាភិបាល គឺការលើកកម្ពស់លើវិស័យអប់រំ ការកសាងធនធានមនុស្ស ដូច្នេះមនុស្សយើងដើម្បីមានសមត្ថភាព ក្នុងការប្រកួតប្រជែង លើចំណេះដឹងនេះ ត្រូវចាប់ផ្ដើមពីការសិក្សាថ្នាក់មូលដ្ឋានឡើងទៅ ដូច្នេះហើយទើបសម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានខិតខំកសាងសាលារៀន យ៉ាងច្រើននៅក្នុងទូទាំងប្រទេស ដូចជាអ្វី ដែលយើងកំពុងបានឃើញនេះ។

ឯកឧត្តមក៏បានអំពាវនាវដល់បងប្អូនប្រជាពលរដ្ឋលោកគ្រូអ្នកគ្រូសិស្សានុសិស្សពេលដែលបាន តារាងបាល់ទាត់ ថ្មី ក៏ដូចជាអគារទីចាត់ការមួយខ្នងនេះហើយត្រូវចេះថែរក្សាអោយបានគង់វង្សព្រោះវាជាសម្បត្តិរួមមិនមែនជារបស់បុគ្គលណាម្នាក់នោះទេមិនតែប៉ុណ្ណោះសូមបងប្អូនចូលរួមសហការជាមួយសមត្ថកិច្ចអនុវត្តគោលនយោបាយភូមិឃុំមានសុវត្តិភាពទាំង៧ចំណុចពិសេសល្បែងស៊ីសងនិងបញ្ហាគ្រោះថ្នាក់ចរាចរណ៍ផងដែរ។

ជាពិសេសនោះ ឯកឧត្តម សៅ សុខា ក៏បាន អំពាវនាវដល់បងប្អូនប្រជាពលរដ្ឋទៅពិនិត្យមើលឈ្មោះបោះឆ្នោតនិងចូលរួមបោះឆ្នោតនាថ្ងៃទី២៣ខែកក្កដាឆ្នាំ២០២៣នាពេលខាងមុខ ដោយបោះឆ្នោតជូនគណបក្សប្រជាជនមានលេខរៀងទី១៨ ឱ្យបានគ្រប់ៗគ្នា ៕

LEAVE A REPLY

Please enter your comment!
Please enter your name here